Descrizione

In custu nùmeru amus proadu a dare una ojada a su chi est capitadu in sos 150 annos chi sunt festende sos italianos (abbaidade s´artìculu de Federico Francioni), semus andados a s´Asinara a faeddare cun sos operaios (abbaidade s´intervista de Antoni Bulùggiu), amus proadu a cumprèndere sas rajones de sos pastores (abbaidade s´artìculu de Frantziscu Casula), amus faeddadu cun espertos ambientales (intervista a Pitzente Migaleddu) e amus proadu a lampare una ojada a sa situatzione industriale (artìculu de Paolo Mugoni)e a s´iscola in Sardigna (articulu de Ninni Tedesco e Andrea Zoccheddu). […] In fatu a s´artìculu de Jordi Muñoz subra a sa cuntierra catalana publicadu in s´àteru nùmeru, como ospitamus un´articulu de Costanzo Pazzona subra a sa chistione sudtirolese. […] Custu est su pensamentu chi ponimus a campu (e custos 150 annos sunt bastantes pro fàghere su contu): sa Perfetta fusione con gli Stati di Terraferma (1847) est istada una cosa bona o una disaura? Sa risposta non podet èssere cussa de sa tatza mesu piena o mesu boida. Est ora de nde la agabare cun sa ragionevolezza e cun su buon senso. Est ora de nàrrere emmo o nono e chi ognunu si leet sa responsabilidade de su chi narat. […] (dae s´editoriale)