Descrizione

 In sa stòria, comenti in sa vida de donniunu, acontessint momentus, episòdius, chi tenint, po chini ddus bivit, unu valori trascendenti, mannu meda de averas. Funt eventus chi podint caraterizai totu una vida, totu un’epoca… Su Statutu de is traballadoris arrepresentat unu de cussus episòdius stravanaus chi, a bias, faint girai s’arroda de sa stòria. In su mundu de su traballu, su Statutu de is traballadoris at cambiau casi totu. At cambiau sa traditzionali relatzioni patriarcali e de domìniu chi s’agataiat in sa fàbrica, aundi s’operaiu fut assogetau a su meri de traballu e s’est cumentzau a chstionai de averas de deretus. Sa relatzioni de traballu,a pagu a pagu, e sempri de prus, s’est spersonalizada; bolit nai ca su cuntratu, su scàmbiu intra su traballu e sa paga, at cumentzau a contai de prus de s’assogetamentu de su traballadori a su meri de traballu.